• Тромбопол эмийн бэлдмэлийн үндсэн үйлчлэгч бодис бол ацетилсалицилийн хүчил юм. Ацетилсалицилийн хүчил нь ялтаст эсийн бөөгнөрөмтгий байдлыг (тромбоцитийн агрегацийг) дарангуйлдаг. Бэлдмэлийг судсан дотор бүлэн үүсэж улмаар бөглөрөө үүсгэдэг өвчнүүдийн үед бүлэнт бөглөрлөөс сэргийлэх зорилгоор удаан хугацаагаар хэрэглэдэг. Тухайлбал:
• Зүрхний шигдээс өвчнөөр өвдөх өндөр эрсдэл бүхий хүмүүст энэ хүндрэлээс сэргийлэх зорилгоор;
• Зүрхний цочмог шигдээс үүссэн үед болон, үүссэн байж болзошгүй гэж сэжиглэж байгаа үед;
• Зүрхний бах өвчний тогтворгүй хэлбэрийн үед;
• Урьд нь зүрхний шигдээс өвчнөөр өвдөж байсан хүмүүст өвчин дахин үүсэхээс сэргийлэх;
• Судсанд хийгдэх төрөл бүрийн хагалгааны үед, тухайлбал гол судас-титэм судсыг залгах, титэм судсыг нөхөн сэргээх (ангиопластик) мэс заслын үед
• Тархины цусан хангамжийн дутагдалтай, цусан хангамжийн дутагдлаас шалтгаалан тархинд шигдээс (ишемийн инсульт) үүссэн үед, урьд нь энэ өвчнөөр өвдөж байсан хүмүүст цусан хангамжийн дутагдал дахихаас сэргийлж;
• Мөчдийн хураагуур судсууд хатуурлын улмаас нарийссан (облитерирующый атеросклероз) үед;
• Зүрхний шигдээс үүсч мэдэх өндөр эрсдэлтэй хүнд, титэм судасны бөглөрлөөс сэргийлэх зорилгоор;
• Удаан хугацаагаар хөдөлгөөнгүй байдалд байх шаардлагатай хүнд хураагуур судасны бөглөрөл ба уушгины артерийн бөглөрөл үүсэхээс сэргийлэх зорилгоор тус тус хэрэглэнэ.

Ацетилсалицилийн хүчил 150мг