Үйлчлэгч бодис:Дексаметазоны натрийн фосфат (4мг дексаметазоны фосфаттай тэнцэнэ.)
Хэрэглэх заалт: Кортикостероид Глюкокортикостероид эмчилгээ шаардлагатай дотоод шүүрлийн болон дотоод шүүрлийн бус эмгэгүүдийн үед хэрэглэнэ.
Системийн хэрэглээ
Дексаметазоны натрийн фосфатын тарилгын уусмалыг дараах системийн эмгэгүүдийн үед дотуур ууж хэрэглэх боломжгүй нөхцөлд судсаар эсвэл булчинд тарьж хэрэглэнэ. Үүнд:
Дотоод шүүрлийн эмгэгүүд:
Анхдагч болон хоёрдогч адренокортикын дутагдал (Гидрокортизон эсвэл кортизон нь эхний сонголт боловч нийлэг аналогуудыг минералокортикоидуудтай шаардлагатай тохиолдолд хэрэглэх ба нярайд минералокортикоидууд хэрэглэх нь нэн чухал юм).
Дотоод шүүрлийн бус эмгэгүүд:
Дараах эмгэгүүдийн үед 4мг/мл тун бүхий дексаметазоны натрийн фосфатын тарилгын уусмалыг хэрэглэнэ.
Харшил болон анафилакси:Ангионевротик хаван, анафилакси
Хоол боловсруулах замын эмгэг:Кроны өвчин, шархлаат колит
Халдвар (хими эмчилгээ хийгдэж байгаа):Царраг идэвхт бодисоос үүдэлтэй сүрьеэ, эндотоксик шок
Мэдрэлийн эмгэг:Тархины хавдраас үүдэлтэй гавлын хоёрдогч дотоод даралт болон нярайн таталт
Амьсгалын замын эмгэг:Гуурсан хоолойн багтраа, уушигны идээт үрэвсэл
Арьсны эмгэг:Хорт эпидермал некролиз
Шок:Эм судлалын өндөр тунтай нэмэлт эмчилгээ шаардлагатай. Энэ нэмэлт эмчилгээ нь өвчтөнд шаардлагатай тусгай болон дэмжих эмчилгээг орлохгүй.
Хэрэглэх тун: Дексаметазоны натрийн фосфатын 4мг/мл тарилгын уусмалыг дангаар болон сулруулахгүй тарих эсвэл натрийн хлорид болон глюкозын уусмалд хийж судсанд дуслаар тарина.
Ялангуяа дөнгөж төрсөн болон дутуу нярайд сулруулалт хийж судсаар тарьж хэрэглэнэ.
Бүх тун декмаметазоны фосфатын нэгжээр тооцогдоно.
Судас болон булчинд тарих:
Ерөнхий анхааруулга:
Эмийн тун тухайн өвчтөний онцлог, өвчиний байдлаас хамаарна. Илрэх гаж нөлөөг багасгах үүднээс зохих бага тунгаар хэрэглэж өвчиний явцыг хянана. Судсаар тарьж хэрэглэхдээ дотуур ууж хэрэглэх тунгийн 1/3 - 1/2 - тэй тэнцэх тунгаар 12 цагийн зайтай хэрэглэнэ.
Эхлэх тун 0.5мг - 20мг. Ноцтой хүндрэлгүй үед бага тунгаар хэрэглэнэ. Ноцтой хүндрэл болон амь насанд аюултай тохиолдолд тунг нэмэгдүүлж хэрэглэнэ. Өвчтөн шокын байдалд байгаа тохиолдолд бүх тунг эхлэх тунгаар судсанд тарих шаардлагатай (өвчтөнд ямар ч хэлбэрийн эм хэрэглэсэн шингээлт нь харилцан адилгүй байх тул).
Хэрэв цусны даралтанд нөлөөлөхөөр бол дотуур ууж хэрэглэх боломжтой болтол булчинд тарьж хэрэглэнэ. Өвчтөнд тохиромжтой байх үүднээс нэг удаад 2мл тарилгын уусмалыг булчинд тарина.
Яаралтай тусламжийн үед 4мг/мл бүхий тарилгын уусмалыг судсаар эсвэл 4мг - 20мг тунг булчинд тарина (шокын үед зөвхөн судсанд тарих). Энэ тунг зохих үр дүн илэртэл давтан хэрэглэнэ.
Анхааруулга:

Дараах нөхцөлд байгаа өвчтөнүүдэд системийн кортикостероид хэрэглэх зайлшгүй шаардлагатай үед онцгой анхаарч, өвчтөнг тогтмол хянана. Үүнд:
· Бөөрний дутагдалтай;
· Артерийн даралт ихтэй;
· Чихрийн шижин эсвэл удамын хэн нэг нь чихрийн шижинтэй;
· Зүрхний үйл ажиллашааны алдагдалтай;
· Ясны сийрэгжилт;
· Стероидын өмнөх миопати;
· Глауком эсвэл удамын хэн нэг нь глаукомоор өвчилж байсан;
· Миастени;
· Тодорхой бус шархлаат колит;
· Дивертикулиттэй;
· Ил болон далд ходоод гэдэсний шархлаатай;
· Хүнд хэлбэрийн сэтгэл хөдлөлийн эмгэгтэй (ялангуяа стероидын өмнөх солирол);
· Элэгний үйл ажиллагааны алдагдалтай;
· Эпилепситэй;
Элэгний хатуурал болон бамбай булчирхайн дааврын бууралттай өвчтөнд кортикостероидын үйлдэл нэмэгдэнэ.
Нүдний герпестэй өвчтөнд эвэрдэг цоорох боломжтой кортикостероидуудыг болгоомжтой хэрэглэнэ.

Өнчин тархи, бөөрний дээд булчирхайн даавар дарангуйлах зэрэг эмчилгээний зохисгүй үр нөлөө нь эмийн үйлдлийн хүч, тун, давтамж, эмчилгээ үргэлжлэх хугацаа зэргээс хамаарна.
Ус давсны алдагдал:
Ус, давсны хуримтлал, зүрхний дутагдал, калийн алдагдал, гипокалиемийн алкалоз, даралт ихсэх, кальцийн ялгаралт нэмэгдэх (“Онцгой анхааруулга болон болгоомжлол” хэсгийг хар).
Яс булчингийн зүгээс:
Булчин сулрах, стероид миопати, булчингийн жижигрэх, (ялангуяа цэвэршилтийн насны эмэгтэйчүүдэд) яс сийрэгжих, нугаламын хугарал, дунд чөмөг болон бугалганы толгойн асептик үжил, урт ясны цуурал, шөрмөс тасрах болон тарилгын дараах гялгар сорви (үе хооронд тарих)
Хоол боловсруулах замын зүгээс:
Ходоод гэдэсний шархлаа болон цооролт, цус алдах, нарийн бүдүүн гэдэсний цооролт (ялангуяа гэдэсний үрэвсэл бүхий хүмүүст), нойр булчирхайн үрэвсэл, хэвлий өргөсөх, шархлаат эзофагит, диспепси, эзофагийн кандидоз.
Арьсны зүгээс:
Эмчилгээнээс үүдэлтэй шарх, арьс нимгэрэх, цусан тууралт, экхимоз, улайлт, судал, телеангиэктаз, батга, хөлрөх, арьсны сорил дарангуйлагдах, судсаар тарьсаны дараа халуу оргих болон хорсох, харшилын дерматит, чонон хөрвөс, ангионевротик хаван, болон нөсөөжилт зэрэг арьсны бусад урвалууд.
Мэдрэлийн зүгээс:
Таталт, эмчилгээний дараах папаиллоэдем хавсарсан гавлын доторх даралт, vertigo, толгой дайвалзах, толгой өвдөх, сэтгэцийн хямрал (жишээ нь сэтгэл хөөрөх, сэтгэл зүйн хамаарал, сэтгэл гутрал, нойргүйдэх), нярайн өмнөх тархины саа.
Дотоод шүүрлийн зүгээс:
Сарын тэмдэг алдагдах, сарын тэмдэг ирэхгүй байх, Иценко - Кушингийн хам шинж, хүүхдийн өсөлт дарангуйлагдах, өнчин тархи, бөөрний дээд булчирхайн дааврын хоёрдогч алдагдал, (стрессийн гаралтай, гэмтлийн, мэс заслын болон өвдөлтийн гэх мэт), нүүрс усны тэнцвэрийн бууралт, далд чихрийн шижингийн илрэл, инсулин болон цусны даралт бууруулах эмийн хэрэгцээ нэмэгдэх, хэт их үсжих.

Дексаметазон ихэсээр шууд нэвтэрнэ. Амьтанд хийсэн судалгаагаар дексаметазон урагт нөлөөлж сэтэрхий тагнай, ургийн өсөлтийг удаашируулах болон тархины өсөлт хөгжилийг саатуулах зэрэг ургийн гажиг үүсгэж байсан.
Кортикостероидууд хөхний сүүгээр дамжин ялгарч магадгүй боловч дексаметазоны хувьд мэдээлэл байхгүй. Хөхүүл эх удаан хугацааны турш өндөр тунгаар кортикостероид хэрэглэхэд бөөрний дээд булчирхайн даавар дарангуйлагдах боломжтой.