Үйлчлэгч бодис: 4.0мг Дексаметазон фосфаттай тэнцэхүйц Дексаметазон натрийн фосфат USP агуулагдана.
Хэрэглэх заалт: Кортикостероид: Кортикостероид эмчилгээнд үр дүнтэй байдаг дотоод шүүрлийн болон дотоод шүүрлийн бус эмгэгүүдийн үед хэрэглэнэ.
Системийн хэрэглээ: Дексаметазоныг ууж хэрэглэх боломжгүй байгаа дараах эмгэгүүдийн үед системийн аргаар венийн судсанд буюу булчинд тарьж хэрэглэдэг. Үүнд:
Дотоод шүүрлийн эмгэгүүд: Анхдагч ба хоёрдогч адренокортикостероидуудын дутагдлын үед,
Дотоод шүүрлийн бус эмгэгүүд: Дексаметазоныг кортикостероид эмчилгээнд үр дүнтэй байдаг дотоод шүүрлийн бус дараах эмгэгүүдийн үед хэрэглэнэ. Үүнд:
° Харшил ба анафилаксийн үед: Судас-мэдрэлийн хаван ба анафилаксийн үед:
° Ходоод гэдэсний: Кроны өвчин болон бүдүүн гэдэсний шархлаат үрэвсэл,
° Халдварууд (Зохимжтой бусад эмийн хамтаар): Тархмал сүрьеэ болон дотоод хорын шок,
° Мэдрэлийн эмгэгүүд: Тархины хавдар болон нярайн таталтын улмаас гавлын дотоод даралт ихсэх,
° Амьсгалын эрхтэний эмгэгүүд: Гуурсан хоолойн багтраа болон бөглөршилийн улмаас үүссэн уушгиний эмгэгшил,
° Арьсны эмгэгүүд: Хучуур эдийн хорт үхжилт,
° Шок: Эм судлалын талаасаа өндөр тун шаардлагтай байгаа үед нэмэгдэл эмчилгээнд хэрэглэдэг. Дексаметазон нь шокийн эрт үеийн эмчилгээнд үр дүнтэй байдаг бөгөөд харин бүхий л эдгэрэлтэнд нөлөөлөхгүй байж болзошгүй.
Хэрэглэх тун: Дексаметазоныг шингэлэлгүйгээр тарьж болох боловч натрийн хлоридийн физиологийн уусмалаар буюу эсвэл глюкозын уусмалаар шингэлэн венийн судсанд дуслаар тарьж болно. Ингэхдээ асептикийн дүрмийг зохих ёсоор сахиж гүйцэтгэнэ. Холимогийг найруулснаас хойш 24 цагийн дотор хэрэглэнэ. Ерөнхий тунгийн хэмжээг дексаметазон фосфатын нэгжээр тооцоно.
Анхааруулга:
Гаж нөлөө:° Гипоталамо-өнчин тархи-бөөрний дээд булчирхайн үйл ажиллагаа дарангуйлагдах зэрэг урьдчилан мэдэх боломжтой гаж нөлөөг эмийн тун,хэрэглээг болон эмчилгээний хугацааг хязгаарлах аргаар зохицуулж болдог.
° Шингэн болон электролитийн өөрчилөлт: Натри ус биед хуримтлагдах, кали алдагдах, гипокалиеми бүхий алкалоз үүсэх, артерийн даралт ихсэх.
° Яс булчингийн талаас:Бульчин сульдах,стероид миопати, булчингийн жин багасах, яс сийрэгших (ялангуяа эмэгтэйчүүдэд цэвэршилтийн дараах үед), дунд чөмөгний толгойны асептик некроз, шөрмөс гэмтэх.
° Ходоод гэдэсний талаас:Цус алдах болон цоорч болзошгүй ходоодны шархлаа, нарийн бүдүүн гэдэс цоорох (ялангуяа бүдүүн гэдэсний үрэвсэлт эмгэгтэй өвчтөнд), нойр булчирхайн үрэвсэх, гэдэс дүүрэх болон улаан хоолой шархлах,
° Арьсны талаас:Шархны эдгэрэлт удаашрах, арьс нимгэрэн хэврэгших, улайх,хөлрөх, арьсны сорил дарангуйлагдаж болзошгүй, ялангуяа хярзан орчмоор хорсон чинэрэх, харшилт дерматит, чонон хөрвөс, судаслаг хаван, нөсөөжилт ихсэх буюу багасах.
° Мэдрэлийн талаас: Толгой өвдөх, сэтгэц өөрчлөгдөх.
° Дотоод шүүрлийн талаас: Сарын тэмдэг тогворгүйжих, кушингоид шинж үүсэх,хүүхэд болон өсвөр насныхны өсөлт саатах, ялангуяа стресс, гэмтэл болон өвчлөлийн үед бөөрний дээрх булчирхай ба өнчин тархины хариу урвал сулрах,нүүрс усны тэсвэржилт буурах, ууц хэлбэрийн чихрийн шижин үүсэх, чихрийн шинжинтэй өвчтөнд сахар бууруула эм болон инсулины хэрэгцээ ихсэх,гирситузм.
° Нүдний талаас: арын капсул доорх катаракт, ндний дотоод даралт ихсэх,
° Бодисын солилцооний талаас: Уургийн катаболизмын улмаас нитрогений тэнцвэрд сөрөг харьцаа үүсэх.
° Зүрх судасны талаас: Зүрхний шигдээс үүсээд удаагүй байгаа өвчтөнд зүрхний булчин урагдах, жин ихтэй төрсөн нярайд кардиомиопати үүсэх,
° Бусад: Анафилакси зэрэг хэт мэдрэгшлийн урвал,жин нэмэгдэх, хоолны дуршил ихсэх, дотор муухайрах, бие сулрах болон зогисох зэрэг гаж нөлөө илэрч болзошгүй.

Жирэмсэн ба хөхүүл үеийн хэрэглээ:
° Жирэмсэн үед аюулгүй эсэх нь тодорхойгүй бөгөөд цоорхой тагнайтай төрөх буюу эх дотрох ургийн өсөлтийг саатуулах эрсдэл багатай ч харин хээлтэй амьтанд сөрөг нөлөөтэй байдаг. Жирэмсэн үедээ кортикостероидийг тогтоосон тунгаар хэрэглэж байсан эхээс төрсөн нярайд гипоадренализмийн шинж байгаа эсэхийг сайтар магадлах хэрэгтэй.
° Хэвийн явцтай жирэмсэн эхэд кортикостероидийг хэрэглэх зайлшгүй хэрэгцээ гарвал жирэмсэн бус үед хэрэглэдгийн адил хэрэглэх боломжтой. Преэлампсийн үед буюу хавантай үед сайтар хянах шаардлагатай.
° Кортикостероидууд хөхний сүүгээр ялгардаг бөгөөд нярайн өсөлт саатуулж болзошгүй ба дотоодын кортикостероидийн үүсэлтийг саатуулж болохын зэрэгцээ бусад сөрөг нөлөө ч үзүүлж болох юм. Кортикостероидийг эмчилгээний тунгаар хэрэглэж буй хөхүүл эх хүүхдээ хөхүүлэхгүй байх нь зүйтэй.
Хориглох заалт:

Системийн мөөгөнцөрийн халдвартай, халдварын эсрэг өвөрмөц эмчилгээ үр дүнгүй байгаа системийн халдваруудын үед, уг эмийн найрлаганд буй аль нэгэн бодист хэт мэдрэгшсэн өвчтөнд болон амьд вирусын вакцинжуулалт хийлгэсэн үед тус тус хэрэглэхгүй.